Lajmet Te Reja nga Sporti

Domenek mbetet përzgjedhës i Francës

Federata franceze e futbollit i ka dhënë besim të plotë përzgjedhësit aktual të kombëtares, Raimond Domenek, për të vazhduar punën edhe më tutje, ndonëse shumëkush ka pritur se ai do të shkarkohet pas mossuksesit të arritur në Euro 2008.
Në fakt, me propozim të presidentit të FFF-së, Zhan Pjer Eskalatea u votua për votëbesimin e Domenekut, ku nga 19 anëtarë të Komitetit Ekzekutiv, madje 18 prej tyre votuan pro mbetjes së Domenekut në krye të kombëtares franceze. Fushata e “gjelave’” në Evropian ishte e dobët, ngase Franca realizoi vetëm një gol dhe e mbylli kampionatin që në fazën e parë.

Babai i Mesit e sheh të ardhmen e djali të tij në Serie A

Babai i futbollistit të Barcelonës, Lionel Mesi, Horhe Mesi, ka thënë se e ardhmja e djalit të tij është e lidhur me futbollin italian. Sipas tij momentalisht Lionel Mesit i intereson vetë Barcelona, mirëpo në të ardhmen ai pritet të luajë në Serie A.
“Leo dëshiron të arrijë kulmin si futbollist pikërisht në Itali, gjë të cilën e bëjnë thuajse të gjithë futbollistët e mëdhenj. Duke pasur parasysh se askush nuk e di çfarë sjell e ardhmja, mund të themi se dëshira e tij herët apo vonë do të realizohet”, ka nënvizuar Horhe Mesi. Në pyetjen e gazetarëve rreth bisedimeve të fshehta me Interin, presidenti i të cilit klub haptazi ka thënë se i pëlqen së tepërmi Lionel Mesi, babai i këtij të fundit është përgjigjur: “Duhet thënë se nuk ka pasur kontakte serioze në këtë drejtim. Por, më duhet të përsërisë, në futboll gjërat ndryshojnë shpesh”.

Kjuell përforcim i ri i Galatasarajit

Futbollisti australian, Hari Kjuell, ka nënshkruar kontratë me skuadrën turke, Galatasaraj, pasi Liverpuli nuk ka qenë i interesuar t'ia zgjasë kontratën. Sipas faqes zyrtare të klubit turk në internet, përkundër interesimit të madh të Porsmuthit dhe Romës, Galatasaraj ka arritur marrëveshje me futbollistin australian.



Kjuell në pesë edicionet e fundit, që nga koha kur kaloi nga Lidsi në Liverpul ka pasur probleme të vazhdueshme me lëndimet dhe si rrjedhojë nuk ka arritur të luajë në nivelin të cilin pritej, prandaj drejtuesit e Liverpulit vendosën që ta lënë të lirë.

Barcelona kundër pjesëmarrjes së Mesit në Olimpiadë

Skuadra spanjkolle, Barcelona nuk do t'ia lejojë yllit të saj, Lionel Mesi pjesëmarrjen në Lojërat Olimpike në Pekin. Përzgjedhësi i skuadrës olimpike të Argjentinës, Serhio Batista, ka bërë të ditur para dy ditësh emëroren e futbollistëve në të cilët llogarit për Lojërat Olimpike në Pekin, në mesin e të cilëve është edhe 21-vjeçari Lionel Mesi. Megjithatë, drejtuesit e Barcelonës po mundohen që ta ndalojnë udhëtimin e yllit të tyre në Kinë.


Duam që t'i kemi të gjithë futbollistët në dispozicion për rrethin paraeliminator të Ligës së Kampionëve. Ne mendojmë se kemi të drejtë që Mesit të mos i lejohet shkuarja në Pekin", ka theksuar sekretari i përgjithshëm i Barcelonës, Tsiki Begiristain. Në anën tjetër, drejtuesit e Federatës argjentinase të futbollit janë të sigurt se Mesi do të jetë i pranishëm në Pekin, ngase sipas tyre do të jetë FIFA, ajo që do t'i lejojë një gjë të tillë lojtarit. "Mesi është njëri nga futbollistët më të mirë në botë. Parashikoj që në skuadrën time atij t'i jap më shumë hapësirë, në mënyrë që t'i tregojë të gjitha cilësitë e tij. Sipas mendimit tim, ky futbollist në karrierën e deritashme ka qenë i kufizuar vetëm me një rol në fushë", ka theksuar përzgjedhësi i skuadrës olimpike të Argjentinës, Serhio Batista.

Hamilton: Dua ta fitoj titullin

Ngasësi i Meklarenit, Luis Hamilton nuk e ka ndërmend të dorëzohet në luftën për titull kampioni në Formula 1, edhe pse e ka nisur dobët këtë edicion. “Vitin e kaluar Raikoneni ishte shumë prapa meje, por megjithatë arriti të fitojë titullin për vetëm një pikë. Unë jam vetëm 10 pikë larg kryesimit, ndërsa mungojnë po kaq gara deri në fund të kampionatit.



Nuk shoh arsye përse të mos mendoj për titullin e kampionit”, ka pohuar Luis Hamilton. Këtë fundjavë do të zhvillohet gara për Çmimin e Madh të Anglisë, në Siverston dhe ngasësi britanik pret që pikërisht në garën e shtëpisë t’i japë fund zhgënjimeve. “Nuk kam fituar asnjë pikë që nga gara e Kanadasë, por nuk kemi nevojë që t’i dramatizojmë gjërat. Sigurisht që mund të kishte shkuar më mirë rrjedha e këtij edicioni, por në renditje nuk jemi edhe aq keq. Më duhet të rikuperoj vetëm 10 pikë, kurse kam në dispozicion edhe 100”, ka thënë Hamilton. “Dua të fitoj titullin. Ky është objektivi im. Do të bëj ç’është e mundur për të qenë gati mendërisht dhe fizikisht në mënyrë që të vazhdoj të luftoj deri në fund. Pas meje qëndron një skuadër e madhe, e cila më mbështet në të gjitha pikëpamjet”, ka përfunduar Hamilton.

Jol: Shpresoj që Van der Varti te mbetet pjesë e Hamburgut

Trajneri i ri i skuadrës gjermane, Hamburg, Martin Jol, që në stërvitjen e parë me skuadrën e tij të re ka pohuar se për edicionin e ri planifikon edhe në shërbimet e mesfushorit të kombëtares holandeze, Rafael Van der Vart, i cili ka kohë që synon transferimin në ndonjë skuadër më të madhe.



“Edicionin e ri e planifikoj me mesfushorin Rafael van der Vart. Asistenti im ka folur me të dhe Rafaeli ka shprehur dëshirën të qëndrojë në Hamburg”, ka pohuar trajneri i ri skuadrës së Hamburgut, holandezi Martin Jol. Megjithatë, ai ka pranuar se nëse lojtarit do t’i paraqitet ofertë nga ndonjë klub i madh, do të jetë shumë vështirë që mesfushori holandez të qëndrojë edhe më tutje në klubin gjerman. “Kam bindjen se Van der Vart nuk do të shkojë në çdo lloj klubi. Në të shkuarën klubi i Hamburgut ka pasur emra të mëdhenj në radhët e tij si Uve Seler apo Manfred Kalc, kurse tani ka Van der Vartin, i cili është një nga lojtarët më të mëdhenj të këtij klubi”, është shprehur Martin Jol.

Federer në finale të Uimbëldonit

Roxher Federer ka kaluar pa ndonjë vështirësi në finale të Gren Slem turneut të tenisit në Uimbëldon, pasi në gjysmëfinale ka mposhtur rusin, Marat Safin, me rezultat 3:0, në sete, 6:3, 7:6, 6:4.



Federeri në finale do të luajë me fituesin e ndeshjes Rafael Nadal - Rajner Shitler, derisa në konkurrencën e femrave të shtunën në finale do të luajnë motrat Uilliams, Venus dhe Serena.

[b]Chelsea është i interesuar të sigurojë shërbimet e sulmuesit të Barcelonës Samuel Eto’o.


Madje “The Sun” bënë të ditur se Chelsea është i gatshëm të ofrojë 22 milionë euro dhe mesfushorin Florent Malouda për kamerunasin Eto’o.


Kamerunasi eshte nga sulmuesit me te mire te “La Ligas” por si duket ai eshte i gatshem te largohet nga Barcelona. Aryeja e largimit te sulmuesit Eto’o nga Barcelona mund te jete paga. Por lajmet e sotme nga skuadra londineze bejne te ditur se Chelsea ka riperseritur interesimin per kamerunasin.

“The Sun” ben te ditur se Chelsea eshte ne kërkim te zevendesimit te sulmuesit Drogba, te cilin ka mundesi ta shese ne Milan per 27 milione euro. Nderkohe Chelsea deshiron ta kembeje mesfushorin qe nuk tregoi asgje kete sezon, Florent Malouda plus 22 milione euro ne kembim te kamerunasit Eto’o.