Lajmet Te Reja nga Sporti

Ktu Mundeni me i Postu Lajmet Nga Sporti..

Ronaldinho e refuzon Cityn



Mediumet angleze kanë shkruar sot se ylli i Barcelonës, Ronaldinho, nuk dëshiron të kalojë në radhët e Manchester Cityt, ashtu që me siguri do të mbetet në Nou Camp.
Pronari i Manchester Cityt, shpreson në një transferim sensacional, duke i ofruar Ronaldinhos një pagë të majme prej 200 mijë funtesh (250 mijë eurosh) në javë.

Por, Mirror ka zbuluar se 28-vjeçari brazilian ka zhvilluar një takim me trajnerin e ri të Barcelonës, Pep Guardiola, dhe i ka përcjellë atij se është i gatshëm të luftojë për vend në 11-shen e parë.

Javën e kaluar Guardiola i tha Ronaldinhos haptas se ai nuk është pjesë e planeve të tij, nëse edhe më tej vazhdon me ndejat e çmendura të natës. Vëllai dhe agjenti i Ronaldinhos, Roberto de Asis, ende është në kontakt me përfaqësuesit e Cityt, por shansat për transferim të tij janë minimale.

City, tash do të bëjë përpjekje për të transferuar sulmuesin e CSKA Moskës, Jo, si dhe atë të Zaragozas, Diego Milito.

.


Frank Lampard kalon në Inter?
Mesfushori i Chelseat, Frank Lampard, ka nënshkruar kontratë katërvjeçare me kampionin e Italisë, Interin, ka shkruar magazina franceze France Football.
Kalimi i tij në Inter do ta bashkojë anglezin me ish-trajnerin e Chelseat, Jose Mourinho, i cili e ka zëvendësuar Roberto Mancinin në radhët e kampionit të Italisë.

France Football ka shkruar se Lampard, i cili iu bashkua Chelseat nga West Ham për një shumë prej 11 milionë funtesh në vitin 2001, kur Claudio Ranieri ishte menaxher, do të fitojë afro 7.3 milionë euro në vit në klubin italian.

Marrëveshja pritet të zyrtarizohet së shpejti.

Thuram i jep fund karrierës për shkak të problemeve me zemër
Karriera e Lilian Thuram sipas gjasave ka përfunduar, pasi që pas kontrollit mjekësor tek PSG, u zbulua se francezi ka probleme me zemrën.
Mbrojtësi francez duhej të prezantohej si përforcim i ri i klubit francez PSG, por kjo nuk ndodhi pasi që mjekët zbuluan një anomali serioze të zemrës tek Thuram, dhe konferenca e shtypit u shndërrua në një lajm të pakëndshëm për tifozët e francezit.

“Për fat të keq kjo konferencë shtypi nuk do të jetë prezantim i marrëveshjes time me PSG, por një lajmërim se mjekët kanë zbuluar një defekt të lindur të zemrës tek unë. Kjo është diçka e ngjashme me atë që vëllai im kishte para disa vitesh dhe kjo i kushtoi me jetë në një ndeshje basketbollistike”, ka thënë Thuram gjatë daljes së tij publike.

Kjo me siguri se do të jetë edhe fundi i karrierës së Thuram, ndërsa teste shtesë do të zhvillohen gjatë ditëve në vazhdim dhe rezultatet përfundimtare do të zbulohen pas rreth një muaji.

Juve ofron para dhe Tiagon për Schweinsteiger
Sipas “Corriere dello Sport”, Juventus ka vendosur t’i ofrojë para dhe Tiago Mendesin, Bayern Munichut, me qëllim që në radhët e veta ta merr mesfushorin gjerman, Bastian Schweinsteiger.
Bianconerët janë në tentativa të vazhdueshme për ta gjetur një mesfushor klasi për sezonin e ardhshëm, ndërsa pas protestës të tifozëve juventinë kundër blerjes së Dejan Stankovicit, Zonja e Vjetër i ka orientuar fuqitë drejt mesfushorit të Bayernit, falë formës së tij të shkëlqyer në Kampionatin Evropian.

23-vjeçari ka kaluar një sezon nën hijen e Franck Ribery, mirëpo loja e tij në Euro 2008 u ka lënë përshtypje të gjitha skuadrave të mëdha, të cilat tanimë i kanë përgatitur ofertat për transferimin e tij

Torres i uritur për fitore
Sulmuesi spanjoll, Fernando Torres, beson se “uria” e përfaqësueses së Spanjës për t’u stolisur me trofeun e kampionit të Evropës, do t’i mbajë ata në një formë të mirë gjatë ndeshjes kundër Gjermanisë.
“Eksperienca e gjermanëve dhe fakti që ata kanë luajtur në shumë finale është diçka që mund ta ketë rolin kryesor në përballjen tonë. Mirëpo nga ana tjetër ne jemi të uritur dhe kemi dëshirë që më në fund të fitojmë diçka”.

“Ne kemi arritur në finale dhe dëshirojmë të bëhemi kampionë. Dëshirojmë që e gjithë bota të flasë për neve, së paku deri në Kampionatin e ardhshëm, pas katër vitesh”, ka thënë sulmuesi i Liverpoolit për “The Sun”.

Baptista lavdëron Romën
Sulmuesi brazilian, Julio Baptista, ka dhënë vetëm fjalë të mira për ekipin italian Romën, me të cilën i ka nxitur edhe më shumë spekulimet për një transferim të tij eventual në klubin e kryeqytetit italian.
Baptista gjatë sezonit të kaluar nuk mundi të luftojë për vend standard në ekipin e parë të Realit, dhe dëshiron që të transferohet në ndonjë klub tjetër, ku do të mund t’i tregojë kualitetet e tij të vërteta.

Disa media italiane publikuan dje se ka mundësi që Roma të dërgojë ofertë në drejtim të Realit, për të marrë shërbimet e Baptistas, ndërsa sot braziliani ka lavdëruar klubin italian.

“Roma është klub i madh dhe luan vërtet futboll të bukur. Për momentin unë jam në pushim në Brazil dhe nuk di asgjë për transferimin eventual. Mendoj se sezonin e ardhshëm do të jem lojtar i Real Madridit, por gjithçka mund të ndodhë në të ardhmen”, ka thënë Baptista.

Ancelotti përgatitet për arritjen e Ronaldinhos
Trajneri i Milanit, Carlo Ancelotti, beson se Ronaldinho do ta veshë fanellën e Rossonerëve sezonin e ardhshëm. Trajneri është aq i bindur saqë është duke planifikuar forma të reja taktike në të cilat përfshihet edhe braziliani.
“Jam duke e paramenduar Ronaldinhon duke luajtur krahas me Kaka, Pirlo dhe Seedorf. Ende nuk e kemi blerë, por të shohim si do të shkojnë gjërat”.

“Aktualisht jemi duke e kërkuar një lojtar si Ronaldinho, dhe këtë e kemi diskutuar me klubin disa herë. Nëse ai vjen atëherë duhet ta ndërrojmë mënyrën e lojës dhe të luajmë me formacionin, 4-3-1-2”

“Ndërsa, sipas meje, Kaka është ende lojtari më i mirë në botë dhe do të vazhdojë të jetë i tillë për neve”, ka thënë Ancelotti për La Gazzetta Dello Sport.

Diego: Juve dhe Inter janë skuadra ideale
Mesfushori i Werder Bremenit, Diego, e ka shfaqur dëshirën e tij për të luajtur me Juventusin, mirëpo ai ka pranuar se nuk do t’i pengonte nëse transferohej edhe tek Inter, pasi që qëllimi i tij është të ndërrojë ambient.
“Juventusi dhe Interi kanë diskutuar me klubin tim dhe asgjë nuk ndodhi, dhe nuk është diskutuar aspak për para. Mua më pëlqen shumë Juventusi se është një skuadër e madhe, me një traditë të pasur dhe me miliona tifozë”.

“Interi po ashtu do të ishte një skuadër ideale për mua, sepse atje është një grup lojtarësh nga më të mirët në botë”.

“Sa i përket të ardhmes sime, do të shohim se çka do të ndodhë. Për momentin jam lojtar i Werder Bremenit dhe gjithçka po shkon mirë këtu”, ka thënë braziliani për “Il Corriere Dello Sport”.

Ancelotti përgatitet për arritjen e Ronaldinhos
Trajneri i Milanit, Carlo Ancelotti, beson se Ronaldinho do ta veshë fanellën e Rossonerëve sezonin e ardhshëm. Trajneri është aq i bindur saqë është duke planifikuar forma të reja taktike në të cilat përfshihet edhe braziliani.
“Jam duke e paramenduar Ronaldinhon duke luajtur krahas me Kaka, Pirlo dhe Seedorf. Ende nuk e kemi blerë, por të shohim si do të shkojnë gjërat”.

“Aktualisht jemi duke e kërkuar një lojtar si Ronaldinho, dhe këtë e kemi diskutuar me klubin disa herë. Nëse ai vjen atëherë duhet ta ndërrojmë mënyrën e lojës dhe të luajmë me formacionin, 4-3-1-2”

“Ndërsa, sipas meje, Kaka është ende lojtari më i mirë në botë dhe do të vazhdojë të jetë i tillë për neve”, ka thënë Ancelotti për La Gazzetta Dello Sport.

Güiza dëshiron të luajë në finale
Sulmuesi spanjoll, Dani Güiza, ka pranuar se ai ëndërron që t’i jepet mundësia që të luajë në finalen e Kampionatit Evropian të dielën, në ndeshjen të cilën Spanja e zhvillon kundër Gjermanisë.
“Të gjithë ëndërrojnë të luajnë në këtë finale. Ndërsa ëndrra ime gjithmonë ka qenë që të luaj në një finale me përfaqësuesen kombëtare të Spanjës”.

“Jam duke u stërvitur me të gjitha forcat, ndërsa i takon trajnerit të vendosë se kë do ta inkuadrojë në lojë në vend të Villas”.

“Ai është një lojtar shumë i rëndësishëm për ne, ka pasur një formë të shkëlqyer në këtë Evropian dhe nuk e ka merituar të mungojë në finale. Mirëpo, ne duhet të vazhdojmë më tutje dhe të përqendrohemi në ndeshjen e të dielës”, ka thënë sulmuesi.

Mutu kalon te Roma?



Sipas "Il Tempo", Adrian Mutu është pajtuar që t’i bashkohet Romës.
Pritej që Mutu të nënshkruante kontratë të re me Fiorentinën, mirëpo siç duket rumuni ka ndërruar mendje.

Paga të cilën e kërkon ai është e papërballueshme për Violan, ndërsa kërcënimi i tij ka qenë se do të largohet nëse nuk i plotësohen kushtet e kërkuara.

Agjenti i Mutu, është takuar me shefin e transferimeve te Roma, Daniele Prade, ndërsa sipas “Il Tempo”, ata tanimë kanë bërë një marrëveshje për të kaluar sulmuesi në Olimpico.

Ballack mund të mungojë sonte
Kapiteni i Gjermanisë, Michael Ballack, mund të mos paraqitet në finale të Euro 2008 si pasojë e një lëndimi të cilin e pësoi në ndeshjen kundër Turqisë.
Edhe pse mesfushori i Chelseat arriti ta përfundonte ndeshjen gjysmëfinale ndaj turqve, pas ndeshjes ka ndier dhimbje në pulpë, dhe prej të premtes ka munguar në stërvitje.

Mungesa e 31-vjeçarit në finalen e madhe kundër Spanjës do të ishte një goditje e rëndë për përfaqësuesen e Gjermanisë.

Sot pritet që Ballack ta bëjë përgatitjen e fundit për të shikuar nëse është në gjendje të luajë. Nëse mungon kjo nuk do të jetë hera e parë që Ballack është jashtë një finaleje të madhe me Gjermaninë.

Ballack ka munguar edhe në ndeshjen finale të Kampionatit Botëror të vitit 2002 si pasojë e suspendimit, ndeshje të cilën Gjermania e humbi kundër Brazilit.

Adebayor: Nëse nuk më paguajnë sa Henryn do të largohem
Emmanuel Adebayor i ka vendosur klubit një ultimatum, sipas të cilët: ai do të qëndrojë tek Arsenal vetëm nëse e paguajnë aq sa e kanë paguar Thierry Henryn.
“Vazhdimisht më pyesin nëse e kërkoj pagën sa të Henryt. Kjo nuk është një pyetje e përshtatshme, mirëpo unë kam qenë zëvendësimi më i mirë i Henryt dhe pse të mos e meritoj pagën që e ka marrë ai”.

“Nëse Arsenal nuk më jep çfarë kërkoj, atëherë do të largohem. Duhet të shfrytëzoj nga rasti. Pse të mos shkoj te Barcelona kur trajneri i tyre më ka në planet e tij?”, ka thënë sulmuesi shtatlartë.

Roma hyn në garë për Guizan
Roma do ta përcjellë me shumë vëmendje ndeshjen e sotme finale të kampionatit evropian, pasi që është e gatshme të ofrojë deri në 15 milionë euro për sulmuesin spanjoll Daniel Guiza.
Edhe pse deri tash gjatë kampionatit evropian, Guiza është shfrytëzuar vetëm si zëvendësim, ai ka lënë mjaft mbresa me dy golat e shënuar.

Sportivja spanjolle AS, ka shkruar sot se ekipi i Romës i është bashkuar garës për të fituar shërbimet e sulmuesit të Mallorcas.

Fenerbahce për momentin është duke udhëhequr garën për shërbimet e spanjollit, ndërsa të interesuar janë edhe Manchester City, Tottenham, Arsenal si dhe Barcelona.

Wenger: Fabregas futbollisti më i mirë në Euro 2008
Menaxheri i Arsenalit, Arsene Wenger, ka thënë se Cesc Fabregas është futbollisti më i mirë i kampionatit evropian.
Edhe pse Fabregas futet në lojë nga stoli, në disa ndeshje ka treguar se është një futbollist i madh, ndërsa kualitetet e tij i shfaqi veçanërisht në ndeshjen e fundit kundër Rusisë.

“Ndoshta jam tendencioz, por mendoj se Fabregas është futbollisti më i mirë i turneut. Mendoj se Fabregas është një futbollist i cili ka një vizion të thellë, i cili gjithmonë sheh përpara dhe ata të cilët janë të aftë ta bëjnë këtë, të mundësojnë të fitosh”, ka thënë Wenger.

“Në ekipin e Spanjës, kur ai luan, gjithmonë e drejton lojën në drejtim të duhur dhe i bën më efektiv kolegët e tij”, ka përfunduar trajneri francez.

Tottenham interesohet Pavlyuchenkon
Klubi anglez, Tottenham, interesohet për sulmuesin e Spartak Moskës, Roman Pavlyuchenko.
Trajneri Juande Ramos është shumë aktiv në periudhën e verës, që kur angazhoi Luka Modric dhe Giovani dos Santos, ndërsa tash vëmendja e tij është kthyer kah rusi, Roman Pavlychenko.

Lojërat e shkëlqyeshme të Pavlyuchenkos në kampionatin evropian, e kanë tërhequr interesin e klubeve të mëdha.

Sipas “Mail on Sunday”, Tottenham do të përpiqet që në radhët e veta ta sjellë sulmuesin rus, në të cilin sheh zëvendësimin për Dimitar Berbatov, i cili sipas gjasave do të largohet nga klubi.

Tottenham interesohet Pavlyuchenkon
Klubi anglez, Tottenham, interesohet për sulmuesin e Spartak Moskës, Roman Pavlyuchenko.
Trajneri Juande Ramos është shumë aktiv në periudhën e verës, që kur angazhoi Luka Modric dhe Giovani dos Santos, ndërsa tash vëmendja e tij është kthyer kah rusi, Roman Pavlychenko.

Lojërat e shkëlqyeshme të Pavlyuchenkos në kampionatin evropian, e kanë tërhequr interesin e klubeve të mëdha.

Sipas “Mail on Sunday”, Tottenham do të përpiqet që në radhët e veta ta sjellë sulmuesin rus, në të cilin sheh zëvendësimin për Dimitar Berbatov, i cili sipas gjasave do të largohet nga klubi.

Vieri do të luajë për Hull Cityn
Sipas tabloidit britanik "The Daily Star", sulmuesi italian, Christian Vieri, është pajtuar t’i bashkëngjitet skuadrës së sapoinkuadruar në Premiership, Hull City.
Vieri mund të kalojë si transfer i lirë në cilëndo skuadër, pasi që kontrata e tij njëvjeçare me Fiorentinën i ka skaduar, ndërsa Viola nuk i ka ofruar kontratë të re.

Edhe pse pritej që 34-vjeçari të kthehet tek Atalanta për të tretën herë, duket se kjo ka dështuar për shkak të përfshirjes së tifozëve të cilët nuk e dëshiroj Vierin sërish në skuadër.

Ndërsa bazuar në njoftimin e “The Daily Star”, Vieri ka arritur një marrëveshje me Hull Cityn, skuadër kjo e cila për herë të parë në histori do të jetë pjesë e Premier Leagues.

Spanja Kampion i ri Evropian


Fernando Torres ka shënuar golin e vetëm në ndeshjen finale të kampionatit evropian, Euro 2008, të zhvilluar në stadiumin Ernst Happel në Vjenë, gjatë të cilës ndeshje kombëtarja spanjolle dominoi lojën përballë asaj gjermane, duke u shpallur kampion i ri evropian.
Goli i Fernando Torres erdhi pas 33 minutash lojë, që ishte i mjaftueshëm t’i sjellë Spanjës trofeun e kampionit të Evropës, pas plot 44 vitesh.

Sulmuesi i Liverpoolit pranoi një pasim nga Xavi Hernandez, dhe pasi që fitoi dyluftimin me Philipp Lahm, dërgoi topin në rrjetë prapa portierit gjerman, Jens Lehmann.



Gjermania u duk më agresive në fillim të ndeshjes, por spanjollët morën shpejt kontrollin dhe pas shënimit të golit ishin më të qetë duke dominuar ndeshjen.

Për Spanjën kjo ishte finalja e parë në kampionatet evropiane që nga vitit 1984, kur u mposht 2-0 nga Franca, ndërsa triumfi i parë që nga viti 1964, kur mposhti ish-Bashkimin Sovjetik me rezultat 2-1. Spanja po ashtu vazhdon rezultatet e suksesshme, duke shënuar ndeshjen e 22-të si e pamposhtur.



Në anën tjetër, Gjermania, e cila bëri paraqitjen e gjashtë në finale të kampionatit evropian, dështoi të ngrejë trofeun e katërt në këtë garë dhe për të parën herë nuk arriti të shënojë në Euro 2008.

Messi: Dëshiroj që Ronnie të qëndrojë

Lionel Messi e ka përsëritur dëshirën e tij që të vazhdojë të luajë bashkë me Ronaldinhon te Barcelona, pavarësisht spekulimeve se braziliani do të shitet në verë.
“Personalisht dëshiroj që Ronnie të qëndrojë me neve. Gjithmonë e kam thënë që ai është njëri nga lojtarët më të mirë në botë dhe ende besoj se ai mund të bëjë shumë për Barcën”.

“Nuk e kam parë atë qe një kohë të gjatë dhe më vjen shumë mirë që jemi takuar sërish. Është gjithmonë ndjenjë e mirë kur kaloj ca kohë me të”, ka thënë Messi.

Wenger nuk dëshiron të harxhojë shumë për Martins


Trajneri i Arsenalit, Arsene Wenger planifikon ta angazhojë në radhët e veta sulmuesin e Newcastlet, Obafemi Martins, por nuk ka synim që të paguajë shumën që kërkon klubi.
Sipas The Sun, drejtuesit e Newcastle, i kanë dhënë sulmuesit nigerian lajmin se ai është i lirë të kërkojë klub të ri.

Wenger ka qenë një adhurues i madh i Martins, por siç shkruan tablloidi britanik, ai nuk dëshiron të paguajë çmimin prej 19 milionë euros, sa kërkon klubi i tij.

Edhe nëse Adebayor shitet për 38 milionë euro në Barcelona ose Milan, Wenger nuk do të ofrojë më shumë se sa 13.5 milionë euro.

Pirlo: Lippi është njeriu i duhur


Mesfushori i Milanit, Andrea Pirlo, e ka mirëpritur rikthimin e Marcello Lippit në bankinën e Azzurëve.
“E kemi pasur fatin ta fitojmë Kupën e Botës me të. Ai është njeriu i duhur për të na drejtuar sërish”, ka thënë Pirlo për “Sky”.

Megjithatë mesfushori italian i ka dalë në mbrojtje edhe trajnerit të shkarkuar, Roberto Donadoni, i cili dështoi në Euro 2008 në postin e trajnerit të Italisë.

“Ndoshta nuk është dashur të diskutohej aq shumë në lidhje me atë çka ndodhi. Ai ka bërë një punë të mirë si trajner”, ka thënë mesfushori.

Juve e "vjedh" knezevicin


Sipas La Stampa, Juventus ka arritur një marrëveshje për nënshkrimin me mbrojtësin e Livornos, Dario Knezevic.
Kroati ka impresionuar me Livornon që nga transferimi prej NK Rijekas në vitin 2006, ndërsa pas kalimit të skuadrës së tij në Serie B, ai ka qenë në qendër të një lufte të rivalëve nga qyteti i Torinos, skuadrës së Juventusit dhe skuadrës së Torinos.

Granata kishte njoftuar se ka arritur një parakontratë me 26-vjeçarin, mirëpo, siç duket Zonja e Vjetër ia ka kidnapuar transferimin në minutën e fundit.