Lajmet Te Reja nga Sporti

Titulli: Re: Lajmet Te Reja nga Sporti Sun Jul 06, 2008 10:01 pm

Hamilton: Fitorja më e madhe në karrierë

Ngasësi i Meklarenit në Formula 1, Luis Hamilton, me fitoren e realizuar në garën për Çmimin e Madh të Britanisë së Madhe, është bërë ngasësi i parë britanik, i cili ka triumfuar në shtëpi, pas Dejvid Kultardit, në vitin 2000. "Përfundimisht kjo është fitorja ime më e madhe në karrierë.

Ishte kjo njëra nga garat më të vështira, në të cilat kam marrë pjesë. Pak para përfundimit të garës pashë se si tifozët filluan të ngritën dhe u luta që gjithçka të jetë në rregull dhe ta mbyll garën në mënyrën më të mirë. Nuk mund ta përshkruaj se si jam ndjerë në momentin kur përfundoi gara", ka pohuar Hamilton. "Dëshiroj që këtë fitore t'ia dedikoj familjes sime. I falënderoj për përkrahjen e madhe që më japin çdo herë. Në pistë mbretëruan kushte ekstreme për garë. Vazhdimisht isha i detyruar ta pastroja xhamin e kaskës, ngase nuk mund të shihja mirë. Në sektorin e parë nuk ka qenë aq vështirë, por në pjesën e dytë të shtegut kishte rënie të madhe të shiut. Skuadra mori vendimin e duhur kur zgjodhi gomat dhe dua t'i falënderoj për kryerjen e shkëlqyer të punës", ka përfunduar Hamilton.

Titulli: Re: Lajmet Te Reja nga Sporti Mon Jul 07, 2008 6:42 pm

Nadal triumfoi në Uimbëldon

Tenisti spanjoll, Rafael Nadal për herë të parë në karrierën e tij ka fituar në turneun e Uimbëldonit dhe në këtë mënyrë i dha fund mbizotërimit të Roxher Federerit, i cili fitoi në pesë vitet e fundit në Gren Slem turneun e Uimbëldonit. Në një duel tejet interesant, pas 288 minutash lojë dhe dy ndërprerjeve për shkak të shiut, me rezultat 3:2, në sete 6:4, 6:4, 6:7, 6:7, 9:7.

Lajmet Te Reja nga Sporti - Faqe 5 F_nadalm_f2ce61f

Lajmet Te Reja nga Sporti - Faqe 5 F_nadalm_f2ce61f

Pas fitores tenisti spanjoll ishte tejet i emocionuar dhe nuk arriti të përmbahet nga lotët e gëzimit. "Nuk mund ta përshkruaj se si jam ndjerë në momentin kur fitova pikët e fundit. Të fitosh një turne siç është Uimbëldoni, është sikur të realizohet një ëndërr. Federeri si kampion i pesëfishtë në këtë turne, mbetet numri një. Ai ende është më i miri, por tash edhe unë kam trofe", ka theksuar Nadal. Në fakt, Federer pësoi humbjen e parë në fushën e gjelbër, pas 65 ndeshjeve. "U përpoqa në mënyra të ndryshme për të bërë kthesë të plotë në lojë, por nuk pata sukses. Rafa me plotë meritë e fitoi këtë trofe. Edhe pse humba ishte kënaqësi që luajta në finale. Do të vijë këtu vitin e ardhshëm për ta rikthyer titullin", ka theksuar Federer.

Titulli: Re: Lajmet Te Reja nga Sporti Mon Jul 07, 2008 6:44 pm

Kalderoni heq dorë nga blerja e Ronaldos

Presidenti i Realit të Madridit, Ramon Kalderon, ka pohuar se më nuk është i interesuar për të transferuar portugezin, Kristiano Ronaldo. Kalderon, të dielën ishte i pranishëm në ndeshjen finale të Uimbëldonit ndërmjet Rafael Nadalit dhe Roxher Federerit dhe me këtë rast para gazetarëve ka folur edhe për transferimin e mundshëm të Ronaldos.

Lajmet Te Reja nga Sporti - Faqe 5 F_kristiano20m_cb8cb8d

Lajmet Te Reja nga Sporti - Faqe 5 F_kristiano20m_cb8cb8d

"Siç qëndrojnë gjërat për momentin, Ronaldo edhe në edicionin e ri do të luajë për Mançester Junajtedin. Teorikish kemi ende kohë të mjaftueshme për të realizuar këtë transfer, në rast se Mançesteri vihet në kontakt me ne", ka pohuar Kalderon. Megjithatë, drejtuesit e "djajve të kuq" ka kohë që kanë bërë të ditur se Ronaldo nuk është në shitje, derisa operimi i tij në këmbë, duket se ka 'frikësuar' edhe drejtuesit e Realit, të cilët sikur kanë filluar të heqin dorë nga blerja e tij.

Titulli: Re: Lajmet Te Reja nga Sporti Mon Jul 07, 2008 6:46 pm

Dunga: Dida është portieri më i mirë në botë!

Përzgjedhësi i Brazilit, Karlos Dunga, ka pohuar në një bisedë për të përditshmen sportive italiane "Gazzetta dello sport" se Nelson Dida është portieri më i mirë në botë. Kjo deklaratë e përzgjedhësit brazilian më tepër është përkrahje për portierin brazilian, se sa realitet, pasi drejtuesit e Milanit janë të gatshëm të shesin portierin e tyre pikërisht për shkak të paraqitjeve të tij të dobëta.

Lajmet Te Reja nga Sporti - Faqe 5 F_dunga20ronam_925cc3a

Lajmet Te Reja nga Sporti - Faqe 5 F_dunga20ronam_925cc3a

Në fakt, tashmë askush nuk e ka vëmendjen te portieri 34-vjeçar, prandaj kjo deklaratë mbështetëse e Dungës është tejet e mirëseardhur për portierin brazilian. "Nelsoni është kampion dhe kur ndjehet mirë ai është portieri më i mirë në botë, por për momentin ka pak probleme me përgatitjen fizike", ka theksuar Dunga. Ish-futbollisi i Pizës, Fiorentinës dhe Peskarës, më pas ka lavdëruar edhe sulmuesin brazilian, Adriano, i cili duket ngadalë po i lë pas shpinës problemet e shumta. "Ai ka ndryshuar shumë gjatë këtyre muajve dhe mendoj se në edicionin e ri do të ketë çfarë të tregojë në fushën e gjelbër në Itali. Ai tashmë është sërish 'Perandori' i vjetër", është shprehur Dunga.

Titulli: Re: Lajmet Te Reja nga Sporti Mon Jul 07, 2008 6:47 pm

Ballak: Nuk ngutem të nënshkruaj kontratën e re

Futbollisti i Çelzit, Mihael Ballak, ka pohuar të hënën se nuk dëshiron të ngutet për të nënshkruar kontratën e re me klubin londinez, edhe pse e ka ndërmend të qëndrojë në këtë skuadër. "Kam kontratë të vlefshme me klubin deri në vitin 2009 dhe ekziston klauzola për vazhdimin e bashkëpunimit. Nuk kam arsye të ngutem, do të pres për të parë se çfarë do të ndodh në të ardhmen", ka pohuar kapiteni i kombëtares gjermane.

Lajmet Te Reja nga Sporti - Faqe 5 F_ballakm_1829cca

Lajmet Te Reja nga Sporti - Faqe 5 F_ballakm_1829cca

Ballak ka thënë gjithashtu se nuk mendon të kthehet në Bundesligë, edhe pse edicionin e kaluar nuk arriti të fitojë asnjë trofe me Çelzin. "Luaj në ligën më të fortë në botë dhe në njërën prej skuadrave më të forta. Për këtë arsye në këtë moment nuk është aspak aktual rikthimi im në Bundesligë", ka pohuar Ballak. Ndonëse futbollistët e Çelzit tashmë kanë filluar përgatitjet për edicionin e ri, Ballaku ka marrë lejen nga drejtuesit e klubit për një pushim dyjavor në Sardina të Italisë.

Titulli: Re: Lajmet Te Reja nga Sporti Mon Jul 07, 2008 6:49 pm

Markez, specialisti i gjuajtjeve të lira

Mbrojtësi i Barcelonës Rafael Markez fitoi çmimin e parë në turneun për ekzekutim e saktë të goditjeve të lira që u zhvillua në Hjuston. Futbollisti meksikan ishte më i mirë edhe se Lionel Mesi dhe Ronaldinjon, të cilët u fishkëlluan nga tifozët e pranishëm.
Konkurrenti më i fortë për Markezin ishte bashkëlojtari i tij në kombëtaren e Meksikës, Xhared Borgeti. Me goditjen e saktë në serinë e fundit Markez siguroi vendin e parë dhe shpërblimin në vlerë prej 1 milion dollarë. "Duhet të pranojë se nga Hjustoni po largohem me shpërblimin të cilin nuk e kam pritur. Nuk jam futbollist i specializuar për gjuajtjet e lira, pasi zakonisht kjo nuk është një detyrë për mbrojtësit. E vetmja gjë të cilën e shpresoja në këtë turne ishte argëtimi", ka theksuar Rafael Markez. Turneu "Free Kick Masters 2008" u zhvillua në stadiumin "Reliant" me bari artificial, ku ekzekutuan gjuajtjet e lira në distancë prej 18, 21, 25, dhe 30 metra, kurse në portë ishin portierët e spikatur si Françesko Toldo (Inter), Dejvid Xhejms (Portsmouth) dhe Kejsi Keler (ish portier i kombëtares së SHBA-së). Është interesant fakti, se Ronaldinjo dhe Mesi u eliminuan që në rrethin e parë, pasi secili prej tyre humbi nga 8 gjuajtje të lira.

Titulli: Re: Lajmet Te Reja nga Sporti Mon Jul 07, 2008 6:51 pm

Njukasëlli ka demantuar lajmin për blerjen e klubit nga ana e vëllait të Osama Bin Ladenit

Zëdhënësi i klubit anglez, Njukasëll kanë demantuar sot pohimet e mediave kinse kompania të cilën e drejton vëllai i Osama Bin Ladenit, ka shprehur dëshirë që të blejë klubin anglez.
Të premten Njukasëlli kishte marrë një ofertë nga kompania "Inter Media Partners"nga Nju Jorku, e cila ka ofruar 420 milion funta, mirëpo më pas kjo ofertë është demantuar nga ana e zëdhënësit të kësaj kompanie, e cila ka bëtë të ditur që një gjë e tillë nuk është zyrtare dhe se ajo ofertë nuk ka qenë në interes të drejtuesve të saj. Vetëm 24 orë më pas në adresë të klubit ka arritur një ofertë nga kompania "Saudi Bin Laden Group (SBG)" që ka ofruar afër 300 milion funta. Kjo kompani drejtohet nga vëllai i Bin Ladenit, Bakr Bin Laden, por ai dhe familjarët e tjerë të Bin Ladenit janë distancuar nga Osama nga 11 shtatori, kur edhe sulmuan dy kullat binjake në Nju Jork, dhe me siguri se hyrja e kësaj kompanie në skuadrën angleze nuk do të kishte qenë problem. Deri më tani nuk ka asgjë të saktë lidhur me shitjen e skuadrës nga “Sent Xhejms Park” dhe opinioni anglez pret nga drejtori i skuadrës Majk Eshlli të del zyrtarisht me deklaratë lidhur me kompanitë e interesuara për blerjen e skuadrës.

Titulli: Re: Lajmet Te Reja nga Sporti Tue Jul 08, 2008 1:46 pm

Ronaldinjo, Pato dhe Robinjo udhëheqin Brazilin në Pekin

Derisa Argjentina llogaritet favoritja kryesore për medalje të artë në Lojërat Olimpike në Pekin, që mbahen muajin e ardhshëm, atëherë konkurrenti më i madh i saj pa dyshim do të jetë Brazili.

Lajmet Te Reja nga Sporti - Faqe 5 F_brazilim_a87c568

Lajmet Te Reja nga Sporti - Faqe 5 F_brazilim_a87c568

Përzgjedhësi i Brazilit, Karlos Dunga ka vendosur që në mesin e 23 futbollistëve për Olimpiadë të përfshijë edhe ish-futbollistin më të mirë në botë, Ronaldinjon, pastaj organizatorin e lojës te Real Madridi, Robinjon, talentin e madh të Milanit, Aleksandre Pato, mesfushorin e Verderit, Diego dhe atë të Mançester Junajtedit, Andereson.
Brazili udhëton në Pekin me synim që për herë të parë në histori ta fitojë medaljen e artë në Olimpiadë, pasi deri më tash brazilianët kanë fituar dy medalje të argjendta dhe një të bronztë.
Në emëroren e Dungës janë përfshirë këta futbollistë:
Portierë: Diego Alvesh (Almeria), Renan (Internacional).
Mbrojtës: Ilsinjo (Shahtjor), Rafinja (Shalke), Marselo (Real Madrid), Aleks Silva (Sao Paulo), Breno (Bajern), Tiago Silva (Fluminense).
Mesfushorë: Anderson (Mançester Junajted), Diego (Verder), Ernanes (Sao Paulo), Lucash (Liverpul), Ronaldinjo (Barcelona), Tiago Nevesh (Fluminense).
Sulmues: Aleksandre Pato (Milan), Zho (Mançester Siti), Rafael Sobish (Real Betis), Robinjo (Real Madrid).

Titulli: Re: Lajmet Te Reja nga Sporti Thu Jul 10, 2008 2:51 pm

Blater: Fergusoni e trajton Ronaldon si rob të tij

Presidenti i FIFA-s, Sep Blater ka akuzuar trajnerin e Mançester Junajtedit, Aleks Ferguson se po e trajton Kristiano Ronaldon si rob të tij. Ai ka thënë se Fergusoni duhet ta lërë të lirë Ronaldon për të kaluar në Real Madrid, edhe pse mesfushori portugez ka kontratë me kampionin në fuqi të Evropës.
"Në futboll ka skllavëri të tepëruar. Nëse Ronaldo nuk shkon atje ku dëshiron, atëherë kjo nuk është mirë as për klubin as për futbollistin. Ne duam t'i mbrojmë futbollistët", ka theksuar Blater. Numri një i FIFA-s mendon se Mançester Junajtedi me futbollistin portugez ka një marrdhënie robërie, por ky nuk është rasti i vetëm në futbollin e sotëm. Sipas Blaterit, skllavëria tek ky rast shihet qartë, pasi Ronaldo dëshiron të kalojë në Real, kurse klubi nuk e lejon dhe kështu e bënë lojtarin të pakënaqur. "Skllavëria po shihet tek blerja dhe shitja e futbollistëve. Ne dëshirojmë të intervenojmë në raste të tilla", ka shtuar Blater. Zvicerani mendon se zgjidhja e duhur është që Ronaldo të blejë kontratën e tij nga Mançesteri dhe më pas t'i afrohet Realit. "Nëse dëshiron të largohet ekziston vetëm një zgjidhje - Le ta blejë kontratën e tij", ka përfunduar Blater.

Titulli: Re: Lajmet Te Reja nga Sporti Thu Jul 10, 2008 2:52 pm

Behrami mund të nënshkruajë për Verderin

Futbollisti kosovar me pasaportë zvicerane, Valon Behrami, dëshiron të braktis radhët e Lacios dhe kampionatin italian, kurse pas refuzimit të ofertës së skuadrës angleze Uest Hem, duket se do të nënshkruajë për skuadrën e Bundesligës, Verder Bremen. Një gjë të tillë e kanë bërë të ditur mediat gjermane. Skuadrës gjermane i nevojitet një lojtar i tipit të Behramit, pas largimit të kroatit Ivan Klasniq, kurse drejtuesit e klubit janë të bindur se futbollisti kosovar është zgjidhja e duhur.
"Zërat për kalimin e Valonit në Uest Hem janë të pavërtet. Dëshira e tij është që karrierën ta vazhdojë në Bundesligë, kurse vendimin përfundimtar do ta merr në fund të kësaj jave. Kemi disa oferta nga Spanja, Anglia dhe Gjermania, por tash për tash nuk kemi biseduar me askë", ka theksuar agjenti i futbollistit kosovar, Alesandro Beltrami. Ndërkohë mediat gjermane kanë bërë të ditur se Behrami është i pari në listën e futbollistëve që dëshiron t'i transferojë në skuadër gjatë kësaj vere.

Titulli: Re: Lajmet Te Reja nga Sporti Thu Jul 10, 2008 2:52 pm

Trezege përfundimisht i thotë "Jo" Barcelonës

Barcelona dhe trajneri i saj i ri, Josep Guardiola, një kohë të gjatë janë përpjekur që të angazhojnë sulmuesin francez në radhët e Juventusit, David Trezege. Fillimisht kanë ofruar shkëmbimin Trezege-Eto, pastaj u përpoqën që me para të bindin Juventusin dhe ish-futbollistin e kombëtares franceze, por nuk ia arritën qëllimit.
"Kur të kesh ofertë nga Barcelona, ajo sigurisht se të bënë të ndihesh mirë. Është nder kur një klub me traditë të madhe interesohet për shërbimet e juaja, por unë jam me fat që jam në një klub të tillë. Juventusi, nëse asgjë tjetër ka traditë dhe vlerë", ka theksuar Trezege, duke shtuar: "Më duhet ta refuzoj Barcelonën, sepse dua të qëndroj te Juventus". Ndërkohë një ditë më herët Trezege ka bërë të ditur se i jep fund karrierës në kombëtare, për shkak të mbetjes së Domenekut në krye të kombëtares.

Titulli: Re: Lajmet Te Reja nga Sporti Tue Aug 12, 2008 3:49 pm

Trezege: Nuk i frikësohem konkurrencës

Sulmuesi francez i Juventusit, David Trezege gjatë kësaj vere ka ‘fituar’ një konkurrencë të madhe në repartin e sulmit te klubi bardhezi, pas ardhjes së brazilianit të Palermos, Amauri. Megjithatë sulmuesi francez ka pohuar se konkurrenca nuk e frikëson.
“Duke pasur parasysh se na presin ndeshjet në kampionat, për kupë dhe në Ligën e Kampionëve, në klub e kanë kuptuar se na duhet edhe një sulmues i spikatur. Amauri është një futbollist i shkëlqyeshëm dhe që nga tash ne të katërtit do të luftojnë për dy vende në përbërjen e parë. Na mbetet neve që të jemi të gatshëm atëherë kur trajneri do të na vendos në fushë. Por, mua asnjëherë konkurrenca nuk më ka frikësuar. Që kur kam ardhur te Juventusi gjithmonë ka pasur konkurrencë të fortë”, ka pohuar Trezege.