Fiat 500 bëhet me motor hibrid

Duke ndjekur trendet globale edhe Fiat ka vendosur që në programin e vet të integrojë hibridë, derisa një prej të parëve do të mund të ishte Fiat 500, ani pse edhe tani ky automjet nuk shpenzon tepër karburant.

Versioni hibrid nën kapak do të ketë motorin dycilindërsh prej vetëm 900 centimetrash kub, të cilit në ndihmë i vjen elektromotori. Italianët premtojnë se falë këtij lloj motori Fiat 500 do të shpenzojë vetëm 2.94 litra karburant në 100 kilometra të kaluara.

Motori prej 900 centimetrash kub zhvillon 65 KF, e nëse i shtohet mbushësi turbo ai është në gjendje të prodhojë deri në 105 KF.

Shitja do të duhej të fillonte në vitin 2011, derisa këtë vit ai do të fillojë të paraqitet nëpër panairet e automjeteve.