Audi avancon modelin A5 bazik me motor fillestar

Nuk ka kaluar as gjysmë viti pas paraqitjes së A5, Audi ka vendosur të avancoj modelin fillestar dhe njësinë motorike 1.8 litërshe me benzinë ta zëvendësojë me 2.0.

Falë volumit më të madh dhe teknologjisë valve-lift nga Audi, motori i ri 2.0 TFSI zhvillon 10 KF më shumë nga motori të cilin e zëvendëson, respektivisht 180 KF. Momenti i nisjes gjithashtu është rritur në dobi të motorit më të madh për madje 70 Nm dhe si rrjedhojë ka 320 Nm në mes 1.500 deri në 3.900 rrotullime për minutë.

Me këtë motor, pohojnë në Audi, A5 e arrin shpejtësinë deri në 100 kilometra në orë për 7.8 sekonda dhe atë maksimale prej 238 km/h. 1.8 TFSI e ka bërë të njëjtën për 8.4 sekonda dhe shpejtësinë maksimale prej 230 km/h.

Si rrjedhojë, motori i ri është dukshëm më ekonomik, Audi pohon se në ciklin e kombinuar do të shpenzojë pothuajse dy litra më pak karburant, përkatësisht 6.6 litra në njëqind kilometra.