Audi Q7 hibrid mbetet i parealizuar

Audi në bashkëpunim me Porsche dhe Volkswagen që një kohë të gjatë është duke punuar në zhvillimin e sistemeve hibride motorike - të cilat do të fusin në lëvizje automjetet e tri markave të njohura.Një nga modelet hibride të paralajmëruara ka qenë edhe Audi Q7 Hybrid, por lajmet e fundit thonë se është hequr dorë nga ky projekt.

Atë është dashur ta fus në lëvizje motori me benzinë V6 prej 3.6-litrash me 206 kW (280 KF) në bashkëpunim me elektromotorin prej 34 kW (46 KF). Arritja e parashikuar e shpejtësisë prej 100 kilometrash ka qenë 7.6 sekonda, me shpenzim mesatar të karburantit prej vetëm 10 l/100 kilometra, edhe pse është i rëndë mbi tonë e gjysmë.

Analizat e tregut kanë dëshmuar se në mesin e blerësve potencialë nuk ka mjaft interesim për një automjet SUV të këtij lloji me motor hibrid, dhe si rrjedhojë investimi nuk mund të arsyetohet nga pikëpamja ekonomike. Q7 aktualisht është në shitje me motor 3.0 TDI i cili mund të lavdërohet për shpenzimet relativisht të ulëta, që me gjasë ka ndikuar më së shumti në mosinteresimin e tregjeve për versionin elektro-benzinës.

Audi megjithatë edhe më tutje vazhdon me zhvillimin e teknologjisë hibride për të gjitha modelet tjera të saj.