Presidenti Sejdiu dekretoi të ngarkuarit me punë në misionet diplomatike

Në pajtim me Kushtetutën e Republikës së Kosovës dhe në pajtim me Dekretet e presidentit të Republikës së Kosovës për themelimin e Misioneve Diplomatike në nivel ambasade, presidenti Fatmir Sejdiu ka dekretuar të martën të ngarkuarit me punë në misionet diplomatike.
Dekretimi i presidentit vjen pas propozimit të Qeverisë së Republikës së Kosovës për emërimin e të ngarkuarve me punë.

Në vendim të presidentit Sejdiu thuhet: “Miratohet Propozimi i Qeverisë së Republikës së Kosovës Nr.01/32, i datës 28.08.2008, për të emëruar këta të ngarkuar me punë (charge d’affaires ad interim)”:

1. Washington – Avni Spahiu
2. Londër – Muhamet Hamiti
3. Paris – Muhamedin Kullashi
4. Berlin – Vilson Mirdita
5. Romë – Albert Prenkaj
6. Bruksel – Ilir Dugolli
7. Ankara – Bekim Sejdiu
8. Vjenë – Sabri Kiqmari
9. Bern – Naim Mala
10. Tiranë – Gazmend Pula

Po ashtu në vendimin e presidentit udhëzohet Ministria e Punëve të Jashtme që të ndërmarrë hapat e nevojshëm për implementimin e këtij Vendimi, ndërsa ai hyn në fuqi në datën e nënshkrimit.

» Si ti gjeni misionet e lojerave