Golf Cabrio me kulm të butë

Golfi i ri kabriolet nuk do të ketë kulm të fortë siç kanë pritur shumë njerëz. Gjeneratat e mëhershme të Golf kabriolet janë përpunuar në fabrikat e firmës Karmann, një prodhuesi të pavarur i specializuar për kabrioletë, por “gjashtëshi” ka shumë gjasë të dalë drejtpërdrejt nga fabrika e Volkswagenit.

Në mënyrë që çmimi të mbahet në nivelin e pranuar, kulmi nuk do të jetë i fortë sikur tek shumica e konkurrentëve, por i pëlhurës. Përzgjedhja e motorëve do të duhej të ishte e njëjtë sikur tek versioni standard.



Volkswagen, përndryshe, është duke përgatitur invazion të vërtetë të kabrioletëve – flitet se modeleve Golf, Polo i ri, Scirocco, e ndoshta edhe automjetit të vogël UP! do t’u hiqet kulmi.