Prodhohet Mini Cabrio i fundit

Pas një karriere relativisht të suksesshme qartazi i ka ardhur koha që t’i jepet fund prodhimit të Mini Cabrios. Duke marrë parasysh se Mini është referencë për prestigj në klasën e tij, është e qartë se një version kabriolet edhe më i shtrenjtë as që ka mundur të priste sukses më të mirë sesa ai që është realizuar.

Kështu nga fabrika prodhuese e BMW-së në Oxford, në Britani të Madhe, këtë javë ka lëshuar edhe Mini Cabrion e fundit të gjeneratës së mëparshme R52. Është interesante se edhe Mini Cabrio i fundit do t’i shitet blerësit nga Shtetet e Bashkuara të Amerikës, ku Mini Cabrio edhe ka shënuar sukseset më të mëdha.

Pas përmbylljes së prodhimit të modelit Cabrio, fabrika në Oxford do të koncentrohet në prodhimin e modelit nga gjenerata e dytë, R56. Më saktë nga këto fabrika do të dalin Mini One, Mini Cooper, Mini Cooper D dhe Mini Cooper S, por edhe i fundit, i pazakonti Mini Clubman. Gjithashtu, nga Mini tani për tani nuk paralajmërojnë trashëguesin e modelit Cabrio.



Edhe pse Mini Cabrio asnjëherë nuk është menduar si model i cili do të realizojë seri të mëdha të prodhimit, është fakt se ai megjithatë është punuar në 164.000 njësi, nga të cilat 79.500 njësi të modelit Cooper Cabrio dhe rreth 56.500 modele Cooper S Cabrio, derisa pjesën e mbetur e përbëjnë modelet Mini One Cabrio, dhe pikërisht për këtë mund të vëreni se blerësit e Minit në masën më të vogël i tërheqin modelet më të lira.