Siemens përgatitet të braktis kompaninë Fujitsu-Siemens

Kompania elektronike gjermane Siemens është duke u përgatitur për të braktisur kompaninë e përbashkët me prodhuesin japonez Fujitsu e cila merret me prodhimin e kompjuterëve, shkruan gazeta amerikane, Wall Street Journal - WSJ.

Fujitsu-Siemens, i cili është bërë prodhuesi më i madh evropian i kompjuterëve, është themeluar nga gjermanët dhe japonezët para nëntë vitesh dhe secili prej tyre është pronar i 50 për qind të kompanisë.

Kompania, megjithatë, e përballur me rritjen e egër të çmimeve në sektorin e vet, është dashur që në mars të heq dorë nga qëllimet financiare për këtë vit.

Kryetari i Siemens Peter Löscher, i cili është ngarkuar me këtë pozitë diç më shumë se një vit, asnjëherë nuk i ka fshehur pakënaqësitë me rezultatet afariste të Fujitsu-Siemens.