iPhone Nano vjen për Krishtlindje

Kompania amerikane Apple ka vendosur që në treg të lëshojë edhe versionin “Nano” të njërit nga celularët e saj më të popullarizuar- iPhone, derisa iPhone Nano do të mund të paraqitej para festave dimërore.

Analistët në fillim të verës kanë filluar të spekulojnë se si Apple do të mund të lëshojë në treg një pajisje më të vogël dhe më të lirë, sepse dëshiron të mbizotërojë edhe në pjesën e tregut ku njerëzit nuk janë të interesuar për iPhone i cili është relativisht i shtrenjtë. Tani është vërtetuar edhe zyrtarisht se së shpejti do të paraqitet edhe versioni “Nano’ i iPhone.

Versioni i ri i celularit revolucionar do të duhej të fokusohej në muzikë, dhe të përmbajë opsionet bazë për telefonata, dhe kështu mund të përshëndetet nga shfletimi i internetit dhe dërgimi i e-mailave.

Në çdo rast, na duhet të durojmë dhe të presim nëse Apple do të krijojë një klon identik të iPhone, por të dimensioneve të vogla, apo edhe versioni i ri iPhone do të ketë dizajn inovativ.