Peugeot zbaton taktikën “Dacia"?

Peugeot është duke marrë parasysh lansimin e brendit me buxhet të ulët, siç e ka bërë prodhuesi tjetër francez, Renault, kohë më parë.

Renault që moti e ka dëshmuar se lansimi i brendit me buxhet të ulët mund të jetë një përpjekje jashtëzakonisht profitabile, e tani edhe grupimi Peugeot Citroen është duke vlerësuar idenë e njëjtë.

Përparësitë e këtij parimi janë të shumta. Nëse nën të njëjtën markë shitni automjete me buxhet të ulët si dhe ato prestigjioze, prestigjiozët do të humbin në imazh, që direkt ndikon në kërkesa.

Prandaj është më mirë që të ndahen dhe ato me buxhet të ulët të ofrohen me markë tjetër.

Ekziston mundësia reale që Peugeot të shfrytëzojë emrin Talbot për automjetet e saja të reja e të lira. Në fakt, francezët qysh në vitin 1978 kanë blerë Talbotin nga grupimi Chrysler, por në vitin 1992 e kanë shuar për shkak të shitjes së dobët.