Volkswagen largon Fordin nga vendi i tretë

General Motors e Toyota për një kohë të gjatë po shtyhen për vendin e parë të prodhuesit më të madh të automjeteve në botë, derisa Ford për një kohë të gjatë ka qenë i vetmuar në vendin e tretë.

Mirëpo, ky nuk është më rasti i njëjtë. Volkswagen ka dalë me raportet gjysmë-vjetore të cilat thonë se kompania gjermane gjatë gjashtë muajve të parë të këtij viti ka shitur madje 100.000 automjete më shumë sesa Ford, më saktësisht 3.31 milionë automjetet, derisa Ford ka shitur 3.2 milionë.



Kjo për Volkswagenin është rritje e shitjes për 7.2 për qind. Rezultat mbresëlënës duke marrë parasysh ngecjet të cilat po trokasin në dyert e ekonomive udhëheqëse botërore. Megjithatë, ekipi nga Volkswagen ka gjetur strofullin e vet, tregun kinez, i cili rishtazi për gjermanët është bërë më i madh sesa ai vendas.