Aston Martin dizajnon automjetin më të shtrenjtë në botë

Kompania britanike “Aston Martin” ka publikuar disa detaje të mangëta dhe vizatime të automjetit të ri me emrin “one-77", i cili do të shitet me çmim minimal prej 1.3 milionë euro, pa tatim, dhe do të jetë automjeti më i shtrenjtë në treg.

Secili nga 77 njësitë e Aston Martin, nga seria e kufizuar, do të përshtatet për blerësin e veçantë, derisa inxhinierët dhe dizajnerët do të merren vesh për specifikat e sakta me secilin blerës të ardhshëm veç e veç.

Karroceria e alumintë e automjetit do të përpunohet me dorë, derisa pronari do të jetë në gjendje të zgjedh zërin e tubit të shkarkimit. Motori me 12 cilindra dhe rreth 700 kuaj fuqi do të mund të zhvillojë shpejtësinë maksimale prej 354 kilometrash në orë dhe se shpejtësinë deri në 100 kilometra do ta arrijë për 3.5 sekonda.



Kompania Aston Martin ka identifikuar rreth 500 blerës potencialë, të cilëve do t’u ofrojë paraqitjen e modelit demonstrues kudo që të donë ta shohin.

Pritet që automjetet e tilla të para do të ju dorëzohen blerësve deri në fund të vitit 2009.