BMW: Automjetet hibride më të rëndësishme se ato sportive

Sapo na kanë zgjuar interesimin me konceptin M1 Hommage, nga BMW ka ardhur një dush i ftohtë.

Klaus Draeger, anëtar i kryesisë së BMW-së, përgjegjës për iniciativën 'Efficient Dynamics', për revistën Autotelegraaf ka deklaruar se prodhuesi bavarez i automjeteve sportive nuk e ka në plan të prodhojë konkurrentin e superautomjetit R8 nga Audi.

Në vend të kësaj, BMW do të fokusohet në prodhimin e automjeteve hibride dhe zhvillimin e teknologjive ekonomike.

Tingëllon pothuajse tragjike që, në kohën kur Audi përgatit një varg të versioneve të ndryshme të R8-shit dhe njëkohësisht çdo ditë paraqet modele më brutale sportive, Mercedes po bën automjete më të fuqishme se kurrë më parë, ndërsa Porsche i qëndron besnik filozofisë sportive - prodhuesi i cili mburret me sloganin Ultimate Driving Machine më shumë merret me automjete hibride sesa sportive.