Sulmohet ueb faqja zyrtare e Komunës së Prishtinës

Më datë 20 gusht, në orët e hershme të mëngjesit është sulmuar faqja zyrtare e Komunës së Prishtinës. Në ueb faqe është parë një ndryshim jo i zakonshëm. Nga ana e majtë e faqes është shënuar me të mëdha "Hacked by Stronix, United Jugoslavija Crew".

Ndërsa tek sektori i fjalës së kryetarit është shkruar "Kosovo is Serbia" (Kosova është Serbi) - gjë që lë të kuptojmë se faqja është sulmuar nga hakerët serbë, derisa në faqe ndodhej dhe një flamur jugosllav me yll brenda një harte të ish-Jugosllavisë.

Si duket ky sulm ka ardhur pas disa sulmeve të ngjashme të ueb faqeve serbe nga ana e hakerëve shqiptarë, të cilat kanë ndodhur gjatë muajve të fundit.