Tastierë dhe mi superiorë nga Logitech

Nëse e keni ndërmend të ndërroni tastierën dhe miun e vjetër, Logitech sërish ofron mundësinë që këtë ta bëni më një veprim – me kombinimin e tastierës ergonomike dhe miut Cordless Desktop Wave Pro.

Me blerjen e këtij kombinimi do të merrni majën e ofertës së Logitech: miun laserik MX1100 dhe tastierën ergonomike në formë të valëve të quajtur Wave, për të cilën në Logitech pohojnë që është më e shëndetshme sesa tastierat ‘standarde’ dhe ofron komoditet më të madh të shkrimit.

Sa i përket miut, MX1100 ka disa karakteristika interesante. Në të gjendet qasja USB e cila mundëson mbushjen e plotë të miut gjatë kohës së punës, prandaj nuk keni nevojë të ndërprisni punën që ta mbushni sërish. Lidhjen USB mund ta kyçni edhe në adapterin AC, i cili vjen si shtojcë, si dhe ta mbushni miun duke e futur në prizën e murit. Gjithashtu, MX1100 përfshin edhe tetë taste programuese, si dhe Logitech MicroGear™ Precision scroll me dy forma të rrëshqitjes – ultra të shpejtë dhe preciz. Forma ultra e shpejtë mundëson që me një veprim të gishtit të fluturoni nëpër dokumente të gjata apo faqe të internetit.



Logitech Cordless Desktop Wave Pro, kombinimi i tastierës dhe miut, do të del në shitje në mbarë botën në fillim të muajit shtator me çmim të shitjes me pakicë prej 119.99 eurosh. Logitech MX1100 miu laserik pa tela do të mund të blihet edhe ndaras, dhe atë nga mesi i muajit shtator, me çmim të shitjes me pakicë prej 69.99 eurosh.

www.logitech.com