USB hub pa tela që heq qafe kabllot

Shumë kohë kemi pritur për pajisjet e para të cilat mbështesin standardin USB pa tela dhe tani më në fund mund të kënaqemi me të mirat të cilat na vinë me to. Kompania Kensington ka paraqitur Wireless USB Docking Station, një pajisje e cila na mundëson që pa tela të lidhemi me pesë pajisje tjera USB.

Në praktikë kjo funksionon shumë thjeshtë: në Kensington Wireless USB dock kyçni deri në pesë pajisje USB, dhe kur të kyçni ndonjë pajisje – transmetuesi, sa për ilustrim, i cili mbështet standardin Wireless USB, ajo do të lidhet automatikisht me to.

Pra, nuk ka më lidhje të skanerëve, printerëve dhe harduerëve tjerë sa herë që në shtëpi apo në punë të bartni ndonjë laptop. Kensington Wireless USB Docking Station do të funksionojë në largësi deri rreth pesë metra, derisa tani për tani mbështet sistemet operative Windows XP e Vista.