Opel Insignia karavan vitin e ardhshëm

Pasi që në fund të korrikut Opel Insignia në mënyrë spektakolare është paraqitur në Londër, marrim vesh edhe datën e paraqitjes së versionit karavan të këtij automjeti.

Nga karavani, me emrin Sports Tourer, velloja e fshehtësisë do të hiqet në panairin e automjeteve i cili mbahet në kryeqytetin francez të Parisit, kur vizitorët do të kanë rastin të shohin një automjet shumë të përdorshëm me volum të bagazhit prej 540 litrash dhe rreth 8 centimetra më të gjatë nga versioni i limuzinës.

Në ofertë do të jetë edhe versioni me fuqi në të katër boshtet, derisa marshet, automatik dhe manual, do të kanë gjashtë nivele të shpejtësive. Përzgjedhja e motorëve përfshin ata me benzinë prej 115 deri në 260 KF, derisa ai me naftë prej 2.0 litrash do të mund të blihet në tri versione– me 110, 130 e 160 kuaj fuqi.



Në ndërkohë pritet edhe 1.6 litërshi turbo me benzinë dhe 180 KF, si dhe 2.9-litërshi me naftë me plot 250 KF.

Ndryshe, shitja e këtij automjeti do të fillojë vitin e ardhshëm.