Automjetet e vogla viktimë të atyre të terrenit

Pronarët e automjeteve të vogla siç është Fiat 500 vështirë që kanë ndonjë gjasë për të mbijetuar aksidentit të drejtpërdrejt me automjetet e mëdha terreno-sportive, ka dëshmuar analiza më e re e prodhuesve gjermanë të automjeteve (ADAC).

Analiza e rezultateve të testit të aksidentit në mes Audi Q7 dhe Fiatit të ri 500, ka dëshmuar se madje edhe automjetet e vogla me standardet mbimesatare të sigurisë, nuk kanë gjasa në rast aksidenti me automjetet terreno-sportive (SUV), thekson ADAC.

Edhe pse shkalla e sigurisë së Fiat 500 është klasifikuar si një nga më të mirët në klasën e tij, ky automjet assesi nuk mund t’i përballojë masës së fuqishme të SUV-it, thuhet në raport.

Testi i sigurisë ka dëshmuar se madje edhe fëmijët në ulëset e pasme të Fiatit janë të rrezikuar, derisa rreziku i lëndimit të pasagjerëve të SUV-it është dukshëm më i vogël, njofton agjencia gjermane e lajmeve DPA.

ADAC tërheq vëmendjen që prodhuesit e SUV-ave bëjnë shumë pak për të ashtuquajturën “mbrojtjen e partnerëve”, sepse strukturat e përparme të sigurisë në automjetet sportive janë të punuara ashtu që nuk janë të barabarta në dyja palët gjatë aksidentit.