U paraqit gjenerata e gjashtë e Golfit

Pas pesë vitesh Volkswagen ka vendosur të paraqes gjeneratën e re, të gjashtë, të Golfit legjendar.

Golfi i ri, gjykuar sipas të dhënave zyrtare të Volkswagenit, në krahasim me paraardhësin e tij - më së paku është avancuar nga pikëpamja e dizajnit të jashtëm. Dizajnerët e Volkswagen e kanë kopjuar në pjesë të madhe maskën e përparme nga modeli i Scirocco, derisa dizajni i dritave të prapme është i inspiruar nga automjeti sportiv i tyre Touareg.

Enterieri i Golfit të ri dukshëm është avancuar. Materialet janë më kualitative, përpunimi përfundimtar më i mirë, derisa edhe izolimi i zhurmës, pohojnë në VW, është më e mirë në klasën e këtij lloji të automjeteve. Në të gjendet edhe elektronika shumë më e sigurt e cila Golfin e bën ngadalë por sigurt më të mirë nga konkurrentët.



Ka madje shtatë jastëk ajri (airbag), përfshirë edhe atë tek këmbët e vozitësit, derisa ABS e ESP janë pjesë e pajisjes standarde, e me pagesë shtesë Golfi do të ofrohet me teknologjitë si kontrollin automatik të largësisë dhe ndihmës elektronike gjatë parkimit.

Golfi i ri është bërë me linjën e re të motorëve të fuqishëm dhe të efektshëm. Ofertën me benzinë do ta përbëjnë katërcilindërshin me fuqi prej 80 KF, 100 KF, 122 KF dhe 160 KF, derisa adhuruesit e naftës mund të zgjedhin në mes dylitërshave katërcilindërsh, me 110 dhe 140 KF.



Motori bazik me benzinë sipas të dhënave të VW shpenzon 6.5 litra karburant në njëqind kilometra në ciklin e kombinuar, derisa ai më i dobët me naftë për kalimin e rrugës së njëjtë shpenzon vetëm 4.5 litra.

Përveç modeleve të përmendura bazë të gjitha tjerat do të mund të janë të pajisura me marshe automatike prej gjashtë shpejtësish dhe atyre DSG me shtatë shpejtësi dhe lidhje të dyfishtë.

Modeli bazë në Gjermani do të kushtojë 16.500 euro, 200 euro më shumë sesa që ka kushtuar modeli bazë i gjeneratës së pestë.