Jeta pa automjet e paimagjinueshme për britanikët

Edhe pse paguajnë një litër benzinë pa plumb me vlerë prej 1.166 funte (1.466 euro) - jeta pa automjete është e paimagjinueshme për katër të pestat e britanikëve, që është 20 për qind më shumë se një vit më parë.

Anketën të cilën e ka kryer në mesin e anëtarëve të saj shoqata e automobilistëve britanikë AA ka gjetur se rreth tre qind e vozitësve më parë do të linin gruan apo të dashurën e tyre sesa automjetin.

Ngarkesat e trafikut më së shumti bëjnë nervoz 30 për qind të vozitësve britanikë, derisa për 26 për qind më të padurueshmit janë ata të cilët flasin në celular derisa vozisin.

Megjithatë, presidenti i shoqatës AA, Edmund King ka thënë se shumica dërmuese nuk mund të paramendojë jetën pa automjete. "Porosia që i shkon pushtetit është se duhet të mësohemi të jetojmë me automjete, në vend se të tentojmë pandërprerë që të imponojmë kufizime në automjet", ka përfunduar King.