Peugeot 207, Mazda 2 dhe Fiat Punto më të sigurt

Në grupin e automjeteve të rrugëve të qytetit të cilat janë më të dëshiruara në tregjet tona janë paraqitur disa rezultate interesante. Peugeot 207 është i shkëlqyer në të gjitha kategoritë, dhe në këtë mënyrë shumë lehtë e fitoi vendin e parë si automjeti më i sigurt rrugor, ndërsa pas tij janë renditur Mazda 2 dhe Fiat Punto.

Peugeot 207 së bashku me Toyota Yaris janë zgjedhur si automjetet më të sigurta për udhëtarë të rritur. Për fëmijë është më i sigurt, VW Fox, i cili ka fituar pikë superiore, mirëpo ky automjet është i pasigurt për të rriturit dhe për këmbësorët. Renault Clio po ashtu është i pasigurt për këmbësorët, mirëpo ka fituar pikë pozitive në kategoritë tjera.

Skoda Fabia, pavarësisht se ka vetëm katër yje për mbrojtjen e të rriturve, është e sigurt në kategoritë tjera. Në sigurin e këmbësorëve ekzistojnë katër automjete me tre yje, ndërsa më i sigurti është Suzuki SX4.