Disk i fortë si pjesë e gjësendeve të çantës së femrave

Nuk është asnjë lloj risie që çdo ditë e më shumë pjesëtaret e gjinisë së bukur vendosin të blejnë kompjuterë, pajisje kompjuterike dhe elektronikë përkatëse. Mu për këtë arsye nuk është për tu çuditur që prodhues të caktuar vendosin të paraqesin elektronikat e tyre të dedikuara fillimisht për gratë.

Dizajneri Joongoo Lee ka ideuar diskun më të ri bartës, i cili në treg do të mund të paraqitej në kuadër të prodhuesit jugkorean Samsung. Fuqia më e madhe e pajisjes është pamja e saj e thjeshtë, mirëpo shumë tërheqëse, që do të duhej t’i lë përshtypje çdo pjesëtareje të gjinisë së bukur, të vetëdijesuar nga pikëpamja e modës.

Për fat të keq, sa u përket anëve teknike, gjërat mbesin të panjohura. Krejt ajo që kemi arritur të kuptojmë është e dhëna se, bëhet fjalë për diskun 2.5 inçësh, i cili me pajisjet tjera lidhet me anë të lidhjes USB. Paraqitja e këtij disku bartës në treg të emëruar Samsung Costume gjithashtu mbetet e panjohur.