Deri në vitin 2050 automjetet do të shpenzojnë më pak se dy litra

Në Ford gjatë kohës së fundit në aspektin financiar punët nuk po ecin si duhet, mirëpo optimizmi në radhët e këtij prodhuesi, duket se, nuk mungon.Njeriu i dytë i dikurshëm i Fordit, Richard Parry-Jones në një bisedë për portalin automobilistik Autocar ka thënë se është i sigurt që prodhuesit e automjeteve deri në vitin 2050 do të mund të arrinin shpenzimin mesatar nën dy litra në njëqind kilometra duke shfrytëzuar teknologjitë ekzistuese. Me shpenzimin më të ulët, po ashtu më i ulët do të ishte emetimi i CO2, më e vogël se 40 gramë për kilometër.

Tingëllon interesant, por si të vihet deri tek këto rezultate? Sipas Parry-Jonesit – shumë më thjesht sesa mendohet. Thjesht duhet lejuar prodhuesit që të bëjnë punën e tyre dhe në mënyrë të pavarur të përzgjedhin teknologjitë që janë premtuese. Tregu do të kryej punën tjetër.

Në ndërkohë, pohon drejtori i Fordit, qeveritë nuk do të duhej të ngarkojnë prodhuesit me rregullore rënduese dhe shkurtpamëse nga ana ekologjike si përgjigje reflekse në ndryshimet klimatike globale.