Ish astronauti i “Apollo 14” : Nuk jemi te vetmit banore ne univers

Një astronaut veteran i cili ka qenë një ndër të paktët njerës që ka shkelur në hënë falë misionit Apollo 14 deklaron se nuk jemi të vetmit banorë të universit. Edgar Mitchell i kujton shpesh ato momente të 14 shkurtit të 1971 kur hodhi hapat mbi satelitin e tokës. Por sot në shtëpinë e tij në Jug të Floridës shprehet i bindur se njeriu nuk është e vetmja qenie që ka udhëtuar në hapësirë.

Mitchell pretendon se alienët e kanë vizituar herë pas here planetin tokë, por qeveritë kanë ditur t’i fshehin e maskojnë vizitat e tyre sic fshehën gjetjen e një anije hapësinore aliene në Roswell më 1947 apo dhe trupat e katër alienëve. Deklaratat e astronautit të njohur u bënë për një radio britanike. Mitchell, së bashku me komandantin e misionit “Apollo 14”, Alan Shepard, mbajnë rekordin për ecjen më të gjatë në hënë, plot 9 orë e 17 minuta.

Ndonëse Mitchell shprehet i sigurt se ufot kanë viztiar tokën Don Berlinger, drejtues i një organizate jofitimprurëse për studimin e ufove thotë se në këto deklarata nuk ka asgjë të re. Në fakt sipas tij edhe deklaratat e astronautit veteran mbeten vetëm fjalë e nuk arrijnë të sjellin fakte të pakundërshtueshmë që do të bindin mbarë njerëzimin që alienët e kanë vizituar shpesh planetin. NASA edhe në këtë rast ka nxituar të distancohet nga deklaratat e veteranit.