Tata Nano vjen në Evropë, por si Fiat Nano?

Indianët qysh prej fillimit kanë planifikuar që Tata Nano një ditë të nis shitjen edhe në tregun evropian, edhe pse kanë qenë të vetëdijshëm se ajo ditë është shumë larg. Në mes tjerash, Nano nuk përmbush normativat e sigurisë dhe ekologjisë që kërkohen nga Bashkimi Evropian, e për të tejkaluar këtë problem nevojiten shumë para, që do të rriste dukshëm çmimin përfundimtar.

Tani ekziston mundësia që të shfrytëzohet rrjeti i shitjes së prodhuesit italian, Fiat, në mënyrë që Nano t’i shitet evropianëve, por jo nën markën Tata, por si Fiat Nano.

Fiat e Tata Motors veçmë bashkëpunojnë ngushtë në prodhimin e motorëve, automjeteve, andaj krijimi i ‘paktit’ të tillë nuk paraqet ndonjë befasi.

Natyrisht, Fiat Nano do të jetë më i shtrenjtë nga 2.500 dollarë sa janë paralajmëruar fillimisht, pasi që duhet të integrohet minimumi i pajisjeve të sigurisë, si dhe të modifikohet motori e sistemi i lirimit të gazrave për të përmbushur standardet për emetimin e tyre.