Volkswageni përgatit një breshkë edhe më të vogël

Në internet tashmë kanë filluar të qarkullojnë informata se Volkswagen mendon edhe për një formë më të vogël të tipit Breshkë, e cila do të kishte një prerje në rrotat e pasme, dhe do të bazohej në konceptin up!

Për momentin këto informata rreth këtij modeli rruhen në fshehtësi të madhe, por siç kuptohet, ky model në ofertën e Volkswagenit do të gjendet nën modelin tashmë ekzistues, Breshkë, që së shpejti do të zëvendësohet me gjeneratën e re.

Në fakt, gjenerata e re e Breshkës (VW Beetle) së tashme, bazohet në gjeneratën e gjashtë të Golfit të ri, derisa Breshka e re më e vogël do të bazohet në konceptin up! dhe do të ketë prerje në rrotat e pasme.

Mu për shkak të ngjashmërive me konceptin up!, disa mendojnë se Breshka më e vogël në fakt do të jetë zëvendësim për up!, në ato tregje në të cilat up! nuk do të paraqitet, si për shembull tregu amerikan. Për këtë arsye, për momentin mbetet e paqartë nëse do të bëhet fjalë për një model global, ose vetëm për një version të up! të dedikuar për tregje të caktuara.

Sidoqoftë, më këtë hap Volkswageni në fakt fillon të ndërtojë një nënbrend nga i cili në të ardhmen ndoshta mund të dalin edhe disa modele. Sa i takon stajlingut, nuk ka dyshime se do ta ruajë atë të Breshkës, ndërsa se si mund të duket ajo mund të shihi nga pasqyrimet e prezantuara.