Eliza Dushku, më seksi se kurrë

Eliza Dushku, më seksi se kurrë



Sezoni i ri i serialit “Dollhouse” më i ndjekur në televizionet amerikane e rikthen në ekran Eliza Dushkun, më “hot” se asnjëherë tjetër. Aktorja amerikane me origjinë shqiptarë, në këtë serial këtë herë luan përkrah një aktori tjetër po me origjinë nga vendi i të parëve të saj. Nuk ka pikë dyshimi që krijimi kinematografik i regjisorit gjenial Joss Whedon, do të ishte kuptim pa Eliza Dushkun, duke i dhënë këtij seriali një potencial akoma më të dukshëm. Eliza luan rolin e aktores kryesore në film dhe quhet Echo, ndërkohë edhe pse jo në një rol kryesor, shqiptari tjetër Enver Gjoka, që vjen nga teatri i Prishtinës, konfirmon se atij po i shkëlqen ylli në karrierën kin- ematografike. Megjithatë, ajo që duket se ka shkundur për momentin Amerikën, përveç serialit të ri që pritet të startojë në ekranin e televizionit më popullor “Fox”, janë disa foto të nxehta të aktores me origjinë shqiptare, që për momentin kanë shkaktuar edhe shumë komente në forumet e ndryshme. Eliza shfaqet në disa foto tejet provokuese edhe pse gjithmonë ka tentuar që të evitojë kontradiktat me mediat, qoftë kur ka pasur lidhje dashurore, por edhe atëherë kur me çmenduritë e saj, është shfaqur në rrugë, pa pyetur për komentet. Por duket se aktorja nuk e ka vrarë fort mendjen për komentet që janë bërë drejt saj, as atëherë kur u shfaqë në rrugët e Miami me rroba banje, ndoshta për të treguar se është një femër që nuk e vret mendjen për ato që thonë të tjerët. Pas ditëve të suksesit që mbante emrin Buffy, ky është ndoshta rikthimi më i komentuar i Elizës dhe këtë herë bëhet fjalë për faktin se ajo ka pranuar se do të fokusohet më shumë në produksionet televizive sesa ato kinematografike, duke e kthyer edhe një herë shikimin pas, në fillimet e karrierës së saj, pikërisht serialet. Aktorja me origjinë shqiptare, gjatë një vizite që pati dy vjet më parë në Tiranë, deklaroi se edhe pse nuk e njoh kinematografinë shqiptare, nuk do të refuzonte asnjë ofertë që do më bëhej nga kineastët shqiptarë. Eliza Dushku mbetet një ndër aktoret e gjeneratës së re me të talentuara në Hollyvood dhe ka shënuar në karrierën e saj role përkrah Robert De Niro, Arnold Shwarceneger, Halle Berry apo Kirsten Dunst.