Shou vazhdon për Lilyn

Shou vazhdon për Lilyn

Ylli britanik i muzikës pop, Lily Allen, ka luftuar me lotët derisa është paraqitur në Festivalin Glastonbury gjatë vikendit, pasi që është ngjitur në skenë vetëm një ditë pas vdekjes së gjyshes së saj.
Allen duhej të paraqitej në eveniment së bashku me producentin, Mark Ronson, të dielën mbrëma, mirëpo pjesëmarrja e saj ishte vënë në rrezik pas informatave se gjyshja e saj kishte vdekur të shtunën.

Megjithatë Allen i kishte befasuar organizatorët duke e mbajtur premtimin e saj dhe ishte paraqitur për të kënduar në festival, por në një gjendje shumë emotive.

“Gjyshja ime ka vdekur mbrëmë. Kjo është për gjyshen time. Të dua”, kishte thënë Lily para se të fillonte këndimin.