Peugeot kthen në jetë 504 kupe

Sipas shefit të ri të dizajnit Jerome Gallix, nga Peugeot na kanë lënë të kuptojmë se gjatë disa viteve të ardhshme planifikojnë rifreskimin e linjave të modeleve të tyre, mirëpo edhe sjelljen e disa automjeteve të tërësisht të reja.
Në intervistën e tij të fundit dhënë gazetarëve francezë Gallix ka pranuar se modeli i parë i rinuar i Peugeot do të jetë trashëguesi i kupesë 504, i cili sipas dimensioneve do të duhej të ishte i afërt me modelin 407, me dizajn dukshëm më dramatik. Platformën për kupenë e re Peugeot do ta huazojë nga Citroëni C5.

Në të njëjtën kohë, dizajnuesi francez ka konfirmuar se është adhurues i madh i modeleve bazë të 204 e 205 dhe se Peugeot për shkak të rregulloreve çdo ditë e më të rrepta për emetimin e gazrave në të ardhmen do të duhet të kthehet ka prodhimi i automjeteve edhe më të vogla dhe më lehta.