Gjeneratë e re VW Breshkës

Breshka aktuale është në shitje që dhjetë vite, prandaj i ka ardhur koha për të shkuar në pension, së paku sipas trendit bashkëkohor të jetëgjatësisë së automjeteve.
Pritet që gjenerata e re të arrijë deri në vitin 2011, derisa nga Volkswagen kanë paralajmëruar se do të prodhohet në Meksikë, njëjtë sikur gjenerata aktuale, edhe pse mbetet e hapur mundësia edhe për lokacione tjera.

Breshka e re, pos versionit standard dhe kabriolet, do të jetë në shitje edhe si version Spider pa kulm.

Tani për tani vetëm supozohet se si do të duket, por është e sigurt se do të marr shumë detaje nga stili i familjes UP!, si dhe siluetën klasike të Breshkës. Përmendet edhe versioni i saj i mundshëm për terren (off-road).




Platformën, natyrisht, e merr nga gjenerata e Golfit VI, dhe si rrjedhojë do të jetë më e madhe se modeli aktual, që veçmë është bërë traditë tek zhvillimi i trashëguesve.

Përndryshe, dizajni do të bëhet në Amerikë, respektivisht në Kaliforni, që nënkupton se ky treg do të ketë prioritet.